Rasha : Putin Na Ziyara A Turkiyya

Shugaba Vladimir Putin na Rasha, zai gana da takwaransa na Turkiyya, Recep Tayyip Erdogan a birnin Ankara, a yayin wata 'yar gajeriyar ziyara da ya ke a birnin Ankara.

Bangarorin biyu zasu tattauna kan batutuwan da suka shafi Siriya, Iraki dama sauran batutuwan da suka shafi kasashen biyu da kuma yankin a cewar wata sanarwa daga fadar shugaban kasar Turkiyya.

Ko baya ga wannan da akwai yarjejeniyar cinikin makamai dake tsakanin kasashen biyu, wacce kasashen yamma ke nuna matukar damuwa a kan ta.

Bayanai sun nuna cewa bayan liyafar abinci shuwagabannin biyu zasu jagoranci wani taron manema labarai da yammacin yau.

A baya baynan nan dai kasashen Turkiyya da Rasha sun jingine sabanin dake tsakaninsu musamen kan rikicin Siriya domin samun mafita kan rikicin na kusan shekaru bakwai da ya yi sanadin mutuwar daririwan mutane.