Gobara Ta Yi Ajalin Mutum 47 A Indonesia

Rahotanni daga Indonesia, na cewa mutane a kalla 47 ne suka gamu da ajalinsu a wata mummunar gobar da ta auku a wani kamfanin safara ababen wasan wuta a wajen Jakarta babban birnin kasar.

Bayanai dai sun nuna cewa akwai ma'aikata 103 a cikin kamfanin a lokacin da gobarar ta faru, kuma jami'an kwana-kwana sun shafe sa'o'i da dama kafin su ciyo kan gobarar da ta tashi da safiyar yau Alhamis a birnin na Tangerang

Wasu daga cikin mutanen da lamarin ya rusa da su sun kone kurmus har ta yadda ba'a iya gane su.

Babu dai karin bayyani akan musababbin tashin gobarar, amma tuni 'yan sanda suka kadamar da bincike.