Trump Zai Gana Da Kim Jong Un

Ministan harakokin wajen Amurka ya tabbatar da cewa za a shirya yadda shugaban kasar zai gana da takwaransa na Koriya ta Arewa

Kakakin fadar White House ya bayyana cewa tawagar kasar Koriya ta arewa karkashin jagorancin Chung Eui-yong ya mika wa shugaba Donald Trump goron gayyatar a jiya alhamis, bayan da wasu manzannin Seoul suka kai ziyara tare da ganawa da Kim Jong-un a farkon wannan mako.

Wannan dai na nuni da cewa, an samu gagarumin cigaba a kokarin kwantar da hankula tsakanin kasashen biyu, da suka mallaki makaman nukiliya, sannan kuma suka zafafa barazanar kai wa juna hari, musamman daga lokacin da Donald Trump ya dare kan karagar mulki.