Mexico Ta Doke Jamus Mai Rike Da Kofin Duniya 1-0

A ci gaba da gasar kwallon kafa ta duniya dake gudana yanzu haka da kasar Rasha, yau Lahadi an fafata tsakanin Costa Rica da Serbia, inda Saria ta doke Costa Rica da 1-0, a rukunin E

Sai kuma karawa ta biyu amma a rukunin F, inda Mexico ita ma ta doke Jamus mai rike da kofin duniya da ci 1-0 mai ban haushi, a fafatawar da suka yi dazu dazu filin wasa na birnin Moscow.

Dan wasa Mexico, Hirving Lozano, ne ya zura kwallon daya tilo a minti 35 da wasan, lamarin da ya zo da ba zata a gasar cin kofin duniya ta bana.

Dama kafin hakan Argantina ta yi kunnan doki 1-1 da Iceland.

A yanzu dai ana cikin karawa tsakanin tawagar kwallon kafa ta Brazil da kuma Switzerland.