Russia 2018 : Ingila Da Croatia Na Neman Zuwan Matakin Karshe

A ci gaba da gasar cin kofin kwallon kafa na duniya da Rasha ke karbar bakunci, a yanzu haka ana cikin karawa tsakanin tawagar kwallon kafa ta Ingila da kuma Croatia, inda Ingila ke ci 1-0.

Daya daga cikin kasashen da ya yi nasara ne zai fafata da faransa a wasan karshe na gasar cin kofin kwallon na duniya na bana.

Croatia dai ita ce ta fitar da Rasha mai masaukin baki a wannan gasar.

A jiya ne dai Faransa ta ciri tikitan zuwan wasan karshe bayan data doke Belgium da ci 1-0 mai ban haushi, matakin da ya bata damar tsallakawa zuwa zagayen wasan karshe wanda za ta kara ko dai da Croatia ko kuma da Ingila a ranar Lahadi mai zuwa.

Rabon Faransa da kai wa wannan mataki dai tun a zamanin su Zidane, yayin gasar cin kofin duniya da ta gudana a Jamus a shekarar 2006.