Iran A Shirye Take Ta Aike Da Magunguna Zuwa Venezuela

Shugaban hukumar abinci da magani na jamhuriyar musulunci ta Iran Mhedi Pirsalehi ne ya bayyana haka a yayin wata ganawa da ya yi da tawagar kasar Venezuela wacce mataimakin ministan harkokin wajen kasar yake jagoranta.

Ganawar da bangarorin biyu su ka yi, tana a karkashin yarjejeniyar fahimtar juna ta aiki da kasashen biyu su ka rattabawa hannu a shekarar da ta gabata akan harkar abinci da magani.

A yayin taron, Mhedi Pirsalehi ya bayyana cewa Iran a shirye tyake ta aike da magunguna da kuma kayan aiki na asibiti zuwa kasar ta Venezuela.