Թեհրանի ահաբեկչական գործողության հեղինակները վահաբիական խմբի անդամներ էին
ԻԻՀ անվտանգության նախարարությունը բացահայտել է չորեքշաբթի օրը Թեհրանում ահաբեկչական գործողություն իրականացնող անձանց ինքնությունը և հայտարարել է, որ ահաբեկչության հեղինակները վահաբիական խմբի անդամներ են եղել:
Հինգշաբթի օրը ԻԻՀ անվտանգության նախարարությունը հայտարարել է, որ Իսլամական խորհրդարանի և լուսահոգի Իմամ Խոմեյնիի դամբարանի դեմ ահաբեկչական գործողություն իրականացող խումբը բաղկացած է եղել հինգ վահաբիական-թաքֆիրական ահաբեկիչներից:
Իրանի անվտանգության նախարարության հաղորդագրության մեջ նշված է.-«Այդ անձինք անդամագրվելով ԻԼԻՊ ահաբեկչական խմբին, թողել են երկիրը և մասնակցել Իրաքի հյուսիսային Մոսուլ և Սիրիայի հյուսիսային Ռաքքա քաղաքներում ԻԼԻՊ-ի կողմից իրականացված ոճրագործություններին»:
Իրանի անվտանգության նախարարության հաղորդագրության համաձայն, այդ ահաբեկիչները անցած տարի ամռանը ԻԼԻՊ-ի պարագլուխներից Աբու Այշեյի գլխավորությամբ մտել են Իրան և փորձել երկրի կրոնական քաղաքներում ահաբեկչական գործողություններ իրականացնել: Սակայն խումբը ամբողջությամբ ջախջախվել է և Աբու Այշեն սպանվել է : Խմբի մնացած անդամները փախել են երկրից:
Չորեքշաբթի օրը Թեհրանում տեղի ունեցած երկու ահաբեկչական հարձակման հետևանքով նահատակվել են 17 և վիրավորվել` ավելի քան 40 իրանցիներ: