د افغانستان د فوټسال ملي لوبډلې کافا سیالیو کې دویم مقام خپل کړ

د افغانستان د فوټسال ملي لوبډلې په خپله پنځمه او وروستۍ لوبه کې د ترکمنستان لوبډلې ته ماتې ورکړه او د منځنۍ آسیا د فوټسال سیالیو (کافا) د دویمې درجې مقام یې خپل کړ.

د هشت صبح ورځپاڼې د خبر له مخې، دا لوبه د یکشنبې په ورځ د زمري په ۸مه د تاجکستان په مرکز دوشنبه کې ترسره شوه.

د هېواد د فوټسال لوبغاړو وکولای شول، چې دغه لوبه د درې پر دوه له خپل سیالې لوبډلې یعني له ترکمنستان څخه وګټي.

افغان لوبډلې په دې ټورنمنټ کې درې بریاوې، یوه مساوي او یوه ماتې له ځان سره لرله او د لسو امتیازونو په ترلاسه کولو یې دا سیالۍ پایته و رسولې.