د افغانستان تکړه لیکوال وحید مژده ټرور شو
زمونږخبریال راپور راکړی د افغانستان د کورنیو چارو وزارت ویاند نصرت رحیمِی رسنیو ته وویل بیگا د کابل ښار د اومی امنیتی حوزې په مربوطاتو کې په وحید مژده برید وشو چې پکې هغه شهید شو.
د رارسیدلو راپورنو سره سره نامعلومو وسله والو موټر سیکل سپرو، د افغانستان د سیاسی مسایلو په شناندی وحید مژده چې د طالبانو د ډلې پخوانی غړی هم و د خپل کور په خوا کې ډزې وکړې.
د مژده خپلوانو هغه شفاخانې ته وړی وو .
طالبانو ته نزدې سرچینو په وحید مژده حمله تایید کړې خو په دې وژله کې یې د دغه ډلې لاسلرنه رد کړې ده او حکومت یې د هغې مسوول ګڼلی دی.
د افغانستان د کورنیو چارو د وزارت ویندویی نصرت رحیمی وویل چې وحیده مژده هغه وخت چې جومات ته د لمانځه لپاره روان و د روسیې سفارت ته نزدې د دوو موټر سیکل سپرو له خوا په ډزو وویشتل او شهید شو.
د افغانستان د ازادو رسنیو ملاتړو هم د وحید مژده وژله یوه لویه علمی او ژورنالیستی ضایعه ګڼلې او له امنیتی ارګانونو یې غوښتې چې د خبریالانو او کارپوهانو د سر ساتنه وکړی.
وحید مژده په ۱۳۳۲ کال کې د افغانستان په شمال بغلان کې په یوې باسواده کورنۍ کې زیږیدلی و او په ۱۹۷۷ کال کې یې د کابل د اقتصاد له پوهنځی لیسانس اخستی و.
هغه له کمیونیسټی کودتا وروسته پاکستان او ایران ته هجرت وکړ او د جهاد په سیاسی پوځی او فرهنګی برخو کې فعال و او په وسله وال جهاد کې یې هم برخه اخستې وه. له هغه په مختلفو جهادی خپرونو کې ډیرې مقالې او شعرونه پاتې دی
وحید مژده د برهان الدین ربانی د حکومت په وروستیو کلونو کې کابل ته ورغی او په خارجه وزارت کې په کار بوخت شو د طالبانو له راتګه وروسته یې پینځه کاله په همدې وزارت کې د طالبانو لپاره کار وکړ.
هغه د طالبانو په دوره کې افغانستان او پنج سال سلطه طالبان په نوم کتاب هم ولیکه.
وحید مژده له تهران ریډیو سره له پخوا راهسې نزدې اړیکې لرلې او د هغه مرکې همیشه له تهران ریډیو خپرېدې. تهران ریډیو د هغه وژله غندی او د افغانستان خلکو او ژورنالسټی ټولنې او کورنۍ ته تسلیت وایی.
