غزني کې موټر بم برید ګڼ شمیر کسان مړه او ژوبل کړي
(last modified Mon, 18 May 2020 07:24:00 GMT )
May 18, 2020 11:54 Asia/Kabul
  • غزني کې موټر بم برید ګڼ شمیر کسان مړه او ژوبل کړي

زمونږ خبریال وايي د افغانستان په ولایت غزني ولایت کې نن سهار په اسلامي ثقافت مرکز کې د ملي امنیت ځانګړې قطعه باندې موټر بم چاودنه شوې ده.

وسلوالو طالبانو د دې موټر بم برید مسوولیت منلی دی.

د غزني د والي ویاند وحیدالله جمعه زاده وویل دې پېښه کې ۷ سرتېري وژل شوي او ۴۰ ټپیان دي، خو ولس ته مرګ ژوبله نه ده اوښې.

اکثره وژل شوي کسان د ملي امنیت ادارې کارکونکي دي .

د نوموړي په خبره، د ۸ ټبیانو روغتیايي حالت نازک دی، خو نور برسېرن ژوبل دي.

د هغه په خبره، د چاودنې له امله تر دوو(2) کیلومترو د کورونو، دفترنو او تجارتي مرکزونو شیشې ماتې شوې دي.

خو په ورته وخت کې د ولایتی شورا یوې سرچینې ویلي د زخمیانو او مړو شمیر زیات دي. دا سرچینه وايي، یو شمیر زخمیان په هلي کوپترو کې کابل ته لیږدول شوي دي.

د پېښې ځای د ملي امنیتي ځواکونو تر کنټرول لاندې ده چاته د ورتګ اجازه نه ورکول کېږي.

د وسلوالو طالبانو ویاند ذبیح الله مجاهد د دې موټر بم برید مسوولیت منلو سره وایي، چې لسګونو سرتېرو ته یې مرګ ژوبله اړولې ده.

نوموړی دا برید "د ولسمشر غني له خوا "د جګړې اعلان او مختلفو ولایتونو کې د ملکي خلکو د مرګ ژوبلې غبرګون کې کړی دی".

طالبانو تېره پنجشنبه په ګردېز ښار کې له موټر بم برید وروسته ویلي وو  دا برید یې د ولسمشر غني دریځ ته ځواب و.

په کابل کې پر روغتون او ننګرهار کې پر جنازه له بریدونو وروسته- چې طالبانو پکې لاس لرل رد کړي دي- اشرف غني او نورو افغان چارواکو بیا هم دا ډله د ورته بریدونو مسووله وبلله او له افغان ځواکونو یې وغوښتل چې د دفاعي په ځای یرغلیز حالت غوره کوي.

 

ټیګونه