د لبنان حزب الله په اسرائیلو بیا بریدونه وکړل
Sep 08, 2024 03:55 Asia/Kabul
ایرنا خبري اژانس د المیادین ټیلي ویژن په قول راپور راکړی چې د لبنان حزب الله اسلامي مقاومت غورځنګ د نیواکي فلسطین په شمال باندې لسګونو توغندي ویشتلي دي.
د حزب الله دغه توغندي د نیواکي فلسطین په شمال کښې په« اصبح الجلیل» سیمې ویشتل شوي دي.
د حزب الله دغه برید له دې څو دقیقې وروسته وشو چې د اسرائیلو رسنیو هم په کریات شمونا، مسکاو عام ، المناره او کفار ګلعادي ښارګیو کښې د خبرداري د سایرونونو د غږونو د اوریدو خبر ورکړ.
د حزب الله دغه برید په لبنان باندې د اسرائیلو په حملې کښې د لبنان د دریو مرستندویه ځواکونو وژل کیدا ته په غبرګون کښې شوی دی.
د اسرائیلو تیریګر پوځ تراوسه د حزب الله دغه حملې ته کوم غبرګون نه دی ښودلی.
