اسرائیلو د فلسطین د خلکو شهیدولو ته دوام ورکړی
مهر خبري اژانس راپور راکړی د صهیونیسټ رژیم د پوځ د جنګي الوتکو لخوا د غزې ښار په الفلاح ښوونځي باندې بمباریو کښې کابو یویشت فلسطینیان شهیدان شول.
په غزې تړانګه کښې د فلسطین د حکومت د اطلاع رسونې دفتر پرون وویل د صهیونیسټ رژیم د پوځ جنګي الوتکو د غزې ښار د جنوب ختیځ په الزیتون محله کښې په الفلاح ښوونځي بمبارې وکړې چې له کبله یې تراوسه یویشت کسان شهیدان شوي او دیرش نور ژوبل شوي هم دي.
د غزې تړانګې په اکثرو ښوونځیو کښې فلسطیني کډوال وسیږي او د ترلاسه شویو راپورونو پراساس د صهیونیسټ رژيم د پرون ورځې په جنایت کښې اکثره شهیدان شوي کسان ښځې او ماشومان دي.
بلې خوا د صهیونیسټ نیواکګر رژيم پوځ د غزې تړانګې په جنوب کښې په خان یونس ښار کښې په ناصر شیخ سیمه کښې د فلسطیني کډوالو په کیمپ بمبارې وکړې چې له کبله یې دوه فلسطینیان شهیدان شول او یوشمیر نور هم ژوبل شول.
