اسلامي انقلاب له ایرانه د استعمار جرړه اویستله
د ایران د اسلامي جمهوریت د ولسمشر مرستیال ټینګار وکړ چې اسلامي انقلاب د استعمار جرړه له ایران څخه اوباسله
ایرنا لیکلي چې سید محمد حسیني وویل: اسلامي انقلاب ته د ماتې ورکولو او یا یې د ماهیت د بدلولو لپاره د لویدیځ او د هغو د سیمه ایزو او کورنیو انډیوالانو هلې ځلې د ولس په هوښیارۍ او د اسلامي انقلاب د معظم رهبر په تابیاؤ سره بې نتیجې پاتې شوې او د څلورو لسیزو له تیریدو وروسته سره د ټولو ستونزو او بندیزونو، د دې انقلاب اقتدار زیات کړی دی.
ښاغلي حسیني د سباؤن د لسیزې د مرکزي کمیټې د غړو د غونډې ترڅنګ چې د ایران د اسلامي شورا د مشر محمد باقر قالیباف په شتون سره ترسره شوه، زیاته کړه: د اسلامي انقلاب بریالیتوب د سیمې او نړۍ په تاریخ کښې د بدلانه یو پيچومی او د یو نوي پړاؤ پیلامه ده چې د خلکو په پراخ شتون او قربانیو سره کامیاب شو او په هیواد کښې د استعمار او سلطه پالنې د جرړې د ایستل کیدو سبب شو.
