امریکا باید له لویدیځي آسیا ووځي
د تهران د جمعې لمانځه خطیب نن د لمانځه په خطبو کې ووئيل ، امریکایان له دې مخکې چې د افغانستان په شان پيښې سره مخامخ شي ، باید له لویدیځي آسیاسیمې ووځي .
زمونږخبریال راپور راکړ،دتهران د جمعې لمانځّه خطیب حجةالاسلام سید محمد حسن بوترابي پخپلو خطبو کې دلویدیځي آسیاسیمې وروستیو بدلونونو ته په اشارې اوددې خبرې په کولو سره چې په سیمې کې د امریکا اغیزشیندونکی سیاسی اوپوځي شتون صفر ته رسیدلی دی ووئیل، امریکایان له دې مخکې چې دافغانستان د پیښې په شان له بې شرمۍ سره مخ شي ، باید له سیمې دې پښې سپکې کړي .
د تهران د جمعې لمانځه موقته امام همداراز په دې خبرې په ټینګار سره چې اوس نړۍ له جدي بدلونونو سره مخ ده ووئيل،دریمه زریزه په چورلټ ډول دآسیا زریزه ده او د ایران اسلامی جمهوریت،دسیمې په بدلونونو کې یو ټاکونکی اوبنیادي رول لري.
ابوترابی د آستانې د بهیر سرمشریزې ته په اشارې سره چې په وروستیو شپو ورځو کې د ایران داسلامی جمهوریت په کوربتوب سره په تهران کې ترسره شوي ،زیاته کړه ، په وروستیو شپو ورځو کې ایران دسیمې په یوه سیاسی کریډور بدل شوی دی،په ایران ې د آستانې دبهیر درې اړخیزه غونډه، په ایران کې د تریې او روسیې د ولسمشرانو په شتون سره ددوواړخیزو ناستو ترسره کیدا او د سیمې او اسلامی نړۍ د سیاسی شرائطو په بیانولو کې د اسلامی انقلاب دمعظم لارښود الهام بخښونکي بیانات،داسلامی امت ،دسیمې او نړۍ دملتونو لپاره په دنیا کې د نوو قدرتونو دراپورته کیدا پیغام لرونکي دي .
