د اسلامي انقلاب د ستر لارښود نظر: ښځې او سړي ته د لویدیځ نا برابره نظر
د لویدیځ پانګوال او د لیبرل ډیموکراسۍ نظام چې په نولس سوه یو نویم کال کې د فرانسیس فوکویاما په شان ځینو لویدیځو اندیالانو له نظره د کمیونسټي نظام په وړاندې د لاسبره سیاسي او اقتصادي نظام په توګه کامیاب شو او هغه یې د تاریخ د پای ته رسیدو په معنا ګاڼه، له ډېرو ستونزو او سختو ماهیتي نیمګړتیاوو سره مخامخ دی.
په دې کې یوه ستونزه انسان او ټولنې ته د لویدیځ د پانګه وال نظام د نرواکۍ نظر دی، د دغه نظام له نظره، سړي د مال او شتمنۍ او اقتصادي او تجارتي فعالیتونو جوړوونکي دي نو ځکه لاسبری رول په غاړه لري او له همدې امله د سړو او ښځو د برابرۍ په هکله د لویدیځ له بیا بیا ادعاګانو سره سره، په لویدیځو ټولنو کې د ښځو حالت ته یوه کتنه، له هغوي سره د پټو او ښکاره تبعیضونو او جنسیتي چلندونو ښودونکې ده.
البته په لویدیځو په تیره بیا اروپایي هیوادونو منجمله برتانیې او امریکا کې د نولسمې پیړۍ په وروستیو او د شلمې په لومړیو کې د ښځو د حقوقو او ازادۍ غورځنګونه راپورته شول او ورور یې ځینې حقوق لکه د رایې حق په دغه هیوادونو کې په رسمیت وپيژندل شو. سره له دې ښځو ته د یو اوزار او اقتصادي وسیلې په توګه کتنه سبب شوه چې د لویدیځو هیوادونو اقتصادي څرخې ته د هغوي له ننوتو سره سره، هغوي په مختلفو ډګرونو کې وزبېښل شي. د ښځو د حقوقو په مدعي لویدیځو هیوادونو کې د ښځو حالت ته یوه کتنه ښیي چې هغوي په دې هیوادونو کې له بدو حالاتو سره مخ دي او د هغوي د حقوقو ضایع کیدو ته پام نه کیږي. په دغو هیوادونو کې له ښځو سره توپیرناک چلندونه په تېره بیا په شغلي او ټولنیزو حقوقو کې په ښکاره موجود دي او د امریکا، برتانیې، فرانسې ، جرمني او کاناډا په شان هیوادونو کې د حقوقو، دیاړۍ او روزګار په برخه کې له سړو سره د ښځو جوته نابرابري او ناانصافي ترسترګو کیږي.
همداراز ښځې په لویدیځو هیوادونو کې د جنسي او جنسي تاوتریخوالي اصلي قربانیانې دي او په دې برخه کې لوړې شمیرنې زمونږ ادعا تاییدوي. په حقیقت کې په لویدیځ کې ښځې دوهمه درجه مخلوق ګڼل کیږي چې د ژوند د دوام لپاره لازم امنیت نه لري او لویدیځ دولتونه یې پوره ملاتړ هم نه کوی او یوازې د سړو لپاره یوه وسیله ګڼل کیږي. د دې په ترڅ کې چې د شمیرنو له مخې په لویدیځ کې د ښځو ټولنیز حالت هم ډېر بد دل. په دې لړ کې باید ووایو چې امریکا د ښځو لپاره په لسو لومړیو ناامنو هیوادونو کې لومړی هیواد دی؛ داسې رتبه چې کابو په لسو کلونو کې بې بدلونه باقي پاتې ده او شمیرنو ته په پام سره ویلی شو چې په لویدیځ کې د ښځو د حقوقو د رعایت ادعا یوازې یوه ریا کاري او فریبکاري ده. په لویدیځو هیوادونو کې هر کال په میلیونونو ښځې له کورنیو تاوتریخوالو کړیږي، په تبلیغاتي چارو کې له ښځو ابزاري استفاده، د کورنۍ د بنسټ ګواښېدل، د ازادۍ په نامه له ښځو کار اخستل ، د ښځو جسمي او روحي توان ته له پامه پرته په کاري شرایطو کې ورته د پوره تنخا نه ورکول، د کار او تعلیم په مرکزونو کې په ښځو او جینکو د جنسي تیري لوړ شمیر،توکمیز توپیر، په جیلونو کې د ښځو او حتی د امیدوارو او بچه دارو ښځو لوړ شمیر، د بچیو سقطول، فقر، د بدکارۍ دودېدل، د ښځو قاچاق او په زندانونو کې په ښځو تیری په لویدیځ کې د ښځو حقوقو ته د بې پامۍ یوازې یو څو موردونه دي.
د بي بي فاطمه زهرا د زوکړې د ورځې په درشل کې له یو شمیر وتلیو میرمنو سره د حضرت ایت الله خامنه ای په کتنه کې هغوي په لویدیځو کې له ښځو د وسیلې په توګه استفادې او زبیښاک ته اشاره وکړه. دوي وویل چې د لویدیځ په پانګه وال نظام کې سړی پر ښځه لومړیتوب لري ځکه چې پانګه او پیسه د انسان مقام ټاکي او سړي اقتصادي او تجارتي مدیریت لري. په کارخانو کې د سړو په مقابل کې د ښځو د کار لپاره د کمو پیسو خبره هم مطرح شوه.د هغوی له نظره په لویدیځ کې د انسانانو انسانیت د پانګې په خدمت کې دی او هر انسان چې ډېر مال ولري ارزښت یې زیات دی. د اسلامي انقلاب مشر همداراز وویل چې د دغه پانګه وال نظام له نظره د سړي جنس طبعا تر ښځې لوړ دی، همدا اوس په لویدیځ کې د برابر کار په وړاندې د ښځو حقوق تر سړو کم دي.
