په ټول ایران کښې به د اسلامي انقلاب د بریالیتوب جشنونه جوړ شي
ایران پریس خبري اژانس راپور راکړی د ایران د اسلامي تبلیغاتو د شورا مشر حجت الاسلام محمد حسیني موسی پور د اسلامي ایران په بیلابیلو سیمو کښې د اسلامي انقلاب د بریالیتوب د جشنونونو د ترسره کیدا خبر ورکړ اویې ویل
د ایران په اته دیرش زره کلیو او څوارلس سوه ښارونو کښې د روان کال د سلواغې د میاشتې د دوه ویشتمې نیټې لاریونونه ترسره کیږي.
هغه نن د ایران د اسلامي انقلاب د بریالیتوب د څلورڅلویښتمې کلیزې یعني د سباوون د لسیزې په مناسبت په یوه خبري کانفرنس کښې په دې خبرې سره چې دوه کاله د کورونا ویروس د خپریدا په وجه د سلواغې د میاشتې د دوه ویشتمې نیټې د لاریونونو د نه ترسره کیدا په وجه به روان کال د ایران د خلکو د وحدت یوزړه توب اتحاد او د ملي انسجام کتونکي وو وویل دغه لاریونونه د ایران په اته دیرش زره کلیو او څوارلس سوه ښارونو کښې ترسره کیږي او د رسنیو شپږ زره خبریالان او ټیلي ويژن چینلونه به دغو لاریونونو ته پوښښ ورکړي.
د ایران د اسلامي تبلیغاتو د شورا مشر حجت الاسلام موسی پور په دې خبرې سره چې اسلامي انقلاب په تاریخ کښې یوه بې ساري او ځانګړي پیښه ګڼل کیږي وویل هره یوه دسیسه چې د ایران د ملت پرضد وشوه په یوازې ځان د هر هیواد په ګونډو کولو لپاره کافي وه خو د ایران اسلامي انقلاب مقاومت وکړ او نه یوازې دغه دسیسې یې شنډې کړې بلکې مخ ته یې حرکت او پرمختګ وکړ.
هغه په سوریې او ترکیې کښې د سختې سختې زلزلې د وژل شویو خلکو په هکله تسلیت ویلو سره وویل د دغو دوو هیوادونو له زلزله ځپلیو سره د مرستو لپاره د ایران له چمتووالي سره سره امریکا او اروپايي هیوادونه چې د بشري حقوقو تش په نام مدافعان دی د سوریې او د ترکیې له خلکو سره د ایران د مرستو کولو اجازه نه ورکوي.
