د ایران د امید فوټسال ټیم ​​د کافا په سیالیو کې اتلولي وګټله

د ایران د امید فوټسال ټیم ​​تاجکستان ته په ماتې ورکولو سره د کافا د فوټسال سیالیو اتلولي خپله کړه.

د ایرنا د خبر له مخې، د ایران د امید فوټسال ټیم ​​کوربه هېواد تاجکستان ته د یو پر صفر ماتې ورکړه او د دغو سیالیو اتلولي یې وګټله.

د دې لوبې یوازینی ګول د محمد حسین بازیار له لوري ترسره شو، چې ایران د ۱۲ امتیازونو په توپېر سره اتلولي خپله کړه.

په لومړۍ لوبه کې د ایران لوبډلې د ترکمنستان پر وړاندې د دوه پر یو ماتې وخوړه، خو بیا یې  قرغیزستان ته د یو پر صفر، افغانستان ته د پنځه پر یو،  ازبیکستان ته د پنځه پر صفر او په پای کې یې  تاجکستان ته د یو پر صفر  ماتې ورکړه او اتل شو.