روحاني د اسلامي هېوادونو مشرانو ته د روژې د نېکمرغې مياشتې په رارسېدو او د پاسدارانو لښکر ته فضاء ته د سېټيلائيت په لېږلو مبارکي وويله
د ايران د اسلامي جمهوريت ولسمشر پرون د اسلامي هېوادونو سرمشرانو ته په بيله بيلو پېغامونو کښې د روژې د مبارکې مياشتې په رارسېدو چې د قرآن مجېد د نزول او د الهي رحمت او مغفرت مياشت ده مبارکي وويله:
د ولسمشرۍ د اطلاع رسونې د سائيټ د رپوټ له مخې ډاکټر حسن روحان په دغو پېغامونو کښې همدارنګ هيله څرګنده کړه چې د دغې شريفې مياشتې په برکت او په دې له فېض او خېره ډکې مياشت کښې د د معنويت د حاصلولو په ذريعه د اسلامي هېوادونو ترمېنځ د تعلقاتو د لا مضبوطولو او زياتولو لپاره اسباب رامنځته کړې شي.
د ايران د اسلامي جمهوريت ولسمشر همدارنګ د دې اميد څرګندونه وکړه چې د هېوادونو ترمېنځ په ګډو کوششونو او د تجربو په تبادلې سره به له کورونا وائرسو سره د مبارزې بهير ته چټکتيا ورکړې شي او په ټوله نړۍ کښې د دغو وائرسو د بې اثر کېدو کتونکي شوو.
د يو بل خبر له مخې ولسمشر روحاني بېګا د اسلامي انقلاب د پاسدارانو د لښکر له عمومي قوماندان جنرل حسين سلامي سره په ټيلفوني تماس کښې فضاء ته د نور نومې سېټيلائيټ په لېږلو کښې د پاسدارانو د لښکر د ځوانو ماهرينود کاميابۍ دمبارکۍ په ويلو سره واضحه کړه دغې کاميابۍ د کورونا بيمارۍ په حالاتو کښې څو برابره ارزښت لرۀ.
ولسمشر همدارنګ په سيمه کښې د پرديو ځينو تحريکونکو اقداماتو او د دغو تحرکاتو په وړاندې د هوښيارۍ او بېدارۍ ضرورت ته په اشارې سره وويل، په سيمه کښې له ترهه ګرۍ سره د مبارزې او د امنيت او ثبات د ساتنې په چوکاټ کښې تل د نړۍ د آزادي غوښتونکو لخوا د ايران د وسله والو ځواکونو په تېره بيا د پاسدارانو د لښکر د دفاعي چمتووالي، توان او قوت هرکلے شوے دے.
جنرل سلامي هم په دغو ټيلفوني خبرو اترو کښې له ولسمشر روحاني څخه په قدرونې سره هيله څرګندهکړه چې د دغه بهير په جاري ساتلو سره به په راتلونکو وختونو کښې د ايران په دفاعي برخه کښې د لا زياتو لاسته راوړنو او کاميابيو کتونکي اوسوو.
