سعيد خطيب زاده:
د امريکې ولسمشران له ايران څخه د يوې انتخاباتي حربې په توګه استفاده کوي
د ايران د خارجه وزارت وياند وويل: د امريکې ولسمشران له ايران څخه د يوې انتخاباتي جربې په توګه استفاده کوي.
سعيد خطيب زاده پرون په يو ټوئيټ کښې دې ته په اشارې سره چې د امريکې ولسمشران مودې اوشوې له ايران څخه د يوې انتخاباتي حربې په توګه استفاده کوي وليکل، د امريکې د زوال د يوې نوې مرحلې کتونکي يوو.
هغه زياته کړه، ډونالډ ټرمپ يوه ورځ د تهران لخوا د تماس په اړه د خپلو چټي خوشخياليو خبره کوي او بله ورځ د يوې ترهه ګرې ډلې د جعلي حساب د يوې بې بنيادې دسيسې نظريات خپروي.
د امريکې ولسمشر په دې وروستيو کښې يو ټوئيټ دوباره خپور کړ چې د هغه له مخې د لېبيا د بنغازي د ۲۰۱۲ کال په حمله کښې څلور امريکنيان ووژل شول چې د امريکې د خاصو ځواکونو په توئې شوې وينې او دې حقيقت باندې چې اسامه بن لادن لا ژوندے دے پرده واچوي.
د ايران د خارجه وزرات وياند واضحه کړه: ډونالډ ټرمپ غواړي به ټوئيټ کولو سره د امريکې تللے عظمت بېرته راوګرځوي.
