د پاکستان خارجه وزارت په اسلام آباد کښې د هندوستان سفر وروباله

د پاکستان د خارجه وزارت قائم مقام په اسلام آباد کښې د هندوستان سفیر اجی بِساریا، دغې وزارتخانې ته وروغوښته.

ایرنا خبري آژانس لیکلي چې سهیل محمود پرون مازیګر د هند تر کنټرول لاندې کشمیر کښې د نوې ډیلي په وروستیو اقداماتو باندې د پاکستان د حکومت اعتراض، اجی بساریا ته ابلاغ کړ.

د پاکستان د خارجه وزارت قائم مقام په دغه کتنه کښې د هند تر کنټرول لاندې کشمیر کښې د دغه هیواد د تحرکاتو او اقداماتو په بندیدو باندې په ټینګار سره زیاته کړه: نوی ډیلی باید د ملګرو ملتو د امنیت شورا د پریکړه لیک احترام وکړي.

سهیل محمود هم داشان په کشمیر کښې لګیدلې کرفیو یا کرځبندیز، په دغې سیمې کښې د یو لاک او اتیا زره پوځیانو دیره کول، د ارتباطي خدماتو او انټرنیټ بندول او د کشمیري مشرانو نیول او په کورنیو کښې یې نظربندول وغندل.