کشمیر کنټرول لاین کښې د هندي او پاکستاني پوځیانو ترمینځ نښته روانه ده

د کشمیر په کنټرول لاین کښې د هندوستان او پاکستان د سرحدي ځواکونو ترمینځ د نښتې په دوام کښې یو بل پاکستاني پوځي مړ شوی دی.

د پاکستان پوځ نن ویل چې د محمد شیراز په نامه یو بل پاکستانی پوځي هم د کشمیر په کنټرول لاین کښې د هندي ځواکونو د ډزو له امله شهید شو.

د دغه پاکستاني پوځي په وژل کیدو سره په تیرو ۲۴ ساعتونو کښې د هندي پوځ په ډزو کښې د پاکستاني ځواکونو تلفات شپږو تنو ته ورسیدل.

پرون هم د هندي ځواکونو په ډزو کښې درې پاکستاني پوځیان او دوه ملکي وګړي وژل شوې وو.

په دغه نښته کښې پنځه هندي پوځیانو هم سرونه بایللي وو.