پنجاب کنګز نن ایپياېل لیګ کې له راجستان رویلز سره لوبه کوي
د هند کرېکټ غوره لیګ یا ایپياېل سیالیو په لړ کې نن ماښام پنجاب کنګز لوبډله له راجستان رویلز سره د سیالي ډګر ته ځي. ټاکل شوې چې یاده لوبه نن ماښام د درامشالا په هېماچا پراډېش کرېکټ لوبغالي کې ترسره شي.
پنجاب کنګز نن ایپياېل لیګ کې له راجستان رویلز سره لوبه کوي
د هند کرېکټ غوره لیګ یا ایپياېل سیالیو په لړ کې نن ماښام پنجاب کنګز لوبډله له راجستان رویلز سره د سیالي ډګر ته ځي. ټاکل شوې چې یاده لوبه نن ماښام د درامشالا په هېماچا پراډېش کرېکټ لوبغالي کې ترسره شي.
په روان ایپياېل لیګ کې دا د پنجاب کنګز او راجستان رویلز لوبډلو وروستۍ او ۱۴مه سیالي ده چې ګټونکې لوبډله به یې د مخته تلو لپاره یوې معجزې ته اړتیا ولري.
پلې اف یا نیمه پایلو کې د لوبېدو لپاره تر ډېره د دواړو لوبډلو چانس لرې برېښي، خو ځینې لوبډلې خپلې وروستۍ لوبې وبایللي، بیا به هر څه رنزرېټ ته پاتې شي.
راجستان رویلز لوبډله یو بیا د تېر کلونو په څېر خپلې وروستۍ ډېری لوبې وبایللې او دا مهال په ۱۴ امتیازونو سره د جدول په شپږم ځای کې شتون لري.
پنجاب کنګز لوبډله بیا په ۱۲ امتیازونو سره د جدول په اتم ځای کې شتون لري چې مخته تګ یې خورا ستونزمن دی.
بېګاه شپه د یادو سیالیو په لړ کې رویال چلنجرز بنګلور لوبډلې په یوې په زړه پورې سیالي کې سنرایزر حیدراباد ته ماته ورکړه او د جدول څلورم ځای ته پورته شوه.
