مقتدی صدر: عراق به د امریکائي ځواکونو لپاره په يو بل ويتنام بدل کړوو
مقتدی صدر: عراق به د امریکائي ځواکونو لپاره په يو بل ويتنام بدل کړوو
په عراق کښې د صدر ډلې مشر د امریکې ولسمشر ته په خطاب کښې وویل: «عراق به د امریکایي ځواکونو لپاره په یو بل ویتنام بدل کړو.
ډونالډ ټرمپ د امریکایي ځواکونو د ویستلو په اړه د عراق د پارلیمان د مصوبې په غبرګون کې، عراق د واشنګټن له خوا په سختو بندیزونو ګواښلی و.
زمونږ دخبریال د راپور له مخې مقتدا صدر، نن په خپله ټویټر پاڼه کې د امریکا ولسمشر ته په خطاب کې زیاته کړه: آیا ویتنام دې هېر کړی دی یا بلې جبې ته دې زړه کېږي چې پکې له داسې پوځ سره مخامخ شې چې پیل یې په بصرې، د عراق په جنوب او پای یې په دهوک کې وي؟
د صدر بهېر مشر وویل: ای د جوارخانو زویه، ته یو ولس په لوږې ګواښې او ګمان کوې چې د عربستان او د فارس خلیج په څنډه کې یې د انډیوالانومال یا دې جنګي وسله کوټونه په کار راځي؟ پوه شه چې ستا کور د غڼې تر کوره زیات کمزوری او وسله دې د ماشي تر لشې زیاته پڅه ده.
مقتدا صدر دې ته په اشارې سره چې نن د امریکا واقعي اراده چې پرون یې د عراق د ازادولو ادعا لرله او اوس د دغه ولس تسلیمولو غواړي، ښکاره شوې ده، ټرمپ ته په یو نصیحت کې وویل: بهتره ده: له ځانه د مخکې کس په شان نه شې ځکه چې پښېمانه به شې.
ده زیاته کړه: که تاسو سوله غواړئ مونږ د سولې د مکتب زده کړې یوو او که جنګ غواړئ دا ولس هم د جنګ مېړه دی او له جنګونو سرلوړی راوتلی دی.
