امریکا دې د افغانستان کنکل شوي شتمنۍ آزادې کړي
په ملګروملتو کې د چین استازي د امریکاپه وسیله دافغانستان د شتمنیو پر آزادولو په ټينګار سره وئيلي دي ، بهرنۍ مرستې باید د افغانستان موقته حکومت ته وسپارل شي .
امریکا د تیر کال په اګست کې له افغانستانه په وتلو پسې ، په چټي پلمو د افغانستان په بایکاټولو سره ، ددغه هیواد کابو لس میلیارډ ډالري شتمنۍ بلوکه اومصادره کړي دي .
تسنیم خبری آژانس راپور راکړ ،په ملګروملتو کې دچین استازي ژانګ جون ددغې موسیسې دامنیت شورا په ناستې کې د افغانستان انساني بحران او له دغه هیواد سره د مرستو د زیاتولو ضرورت ته په ا شارې سره ووئيل ، امریکا باید دافغانستان کنګل کړائ شوي شتمنۍ زر ترزره آزادې کړي .
په ملګروملتو کې د چین استازي په دوام کې ووئيل په افغانستان کې مرسته کونکي مختلف اورګانونه او ادارې باید خپله غږملتیا او همغږي سره پیاوړي کړي ، هغه ووئيل په دغه بهیر کې د بهرنیو مرستو په ترلاسه کولو کې د افغانستان د موقته حکومت مالکیّت باید رعایت شي ، چې د مرستو داغیزشیندونکي اجرا لپاره لازم شرط دی .
ژانګ جون همداراز د یوه خپلواکه او اغیزشیندونکي حکومت د حکومتدارۍ په پوره کې د افغانستان دملاتړ او رغند مشارکت په پیاوړتیا ټینګار وکړ . هغه ددې خبرې په کولو سره چې په تیرو شلو کلونو کې درسونو ثابته کړې ده چې په افغانستان کې بهرنیو پوځي لاسوهنو او ماډلونو هیڅ کارندوالی نه دی درلودلی ، زیاته کړې ده ، درست لوري باید د افغانانو رهبري او د مالکیّت اصل رعایت او د افغانستان له موقته حکومت سره تعامل په عمل پالې رودې سره پیاوړی کړي .
