په سوډان کښې جنګونه له سره پیل شوي دي
ایرنا خبري اژانس راپور راکړی تر راتلونکو دریو ورځو لپاره د اوربند په تمدیدولو سره په سوډان کښې د ښکیلو لورو له موافقت سره په یووخت خبري سرچینې په پلازمینې خرطوم کښې د جنګونو د بیا پیلیدا خبر ورکوي.
المیادین ټیلي ويژن راپور ورکړ په سوډان کښې د اوربند له تمدیدا څو شیبې وروسته د پلازمینې خرطوم په مرکز کښې د سوډان د ولسمشر د ماڼۍ په خوا کښې وسله وال جنګونه له سره پیل شول.
دغه راپور وايي چې په دغو جنګونو کښې سپکې او درنې وسلې استعمال شوې.
په سوډان کښې وسله والې نښتې د واک پرسر د چټک عکس العمل د ځواکونو او د پوځ د عسکرو ترمینځ د اپریل د میاشتې له پینځلسمې نیټې څخه پیل شوي دي او د جنګونو د ختمولو لپاره نړیوالو هڅه هیڅ نتیجه نه ده ورکړي.
د سوډان د روغتیا وزارت وویل چې په دغه هیواد کښې د جنګونو له کبله پینځه سوه اتویشت کسان وژل شوي او څلور زره او پینځه سوه نهه نوي نور ژوبل شوي دي.
