ولسمشر روحاني د اسلامي هیوادونو مشرانو ته د روژې مبارکي وویله

د ایران د اسلامي جمهوریت ولسمشر د اسلامي هیوادنو مشرانو ته د روژې د فیض او برکت نه د ډکې میاشتې د پیلیدو مبارکي ورکړه.

د اسلامي ایران ولسمشر حسن روحاني د مسلمانو هیوادونو مشرانو ته په جلا جلا پیغامونو کښې د روژې د مبارکې میاشتې د مبارکۍ ویلو ترڅنګ وویل: اسلامي هیوادونه دې په دې له مهربانۍ او رحمته په ډکه میاشت کښې د قرآن کریم د آیتونو په پيروۍ سره، د خدای د بندګۍ او اسلامی ورورولۍ په لاره کښې ګام پورته کړي او د دې ګرانقدره نعمت په برکت په ټوله نړۍ کښې صلحه او ارامښت خور شي.

د ویلو ده چې په ایران او ځینو نورو اسلامي هیوادونو کښې نن د رمضان د میاشتې اوله نیټه ده.