د کشمیر په کنترول لاین کښې د هند او پاکستان د پوځیانو ترمینځ نښته شوې

امنیتي سرچینو د هندوستان او پاکستان د پوځونو ترمینځ د کشمیر په کنټرول لاین کښې د نښتې خبر ورکړی دی.

نن سهار د کشمیر کنټرول لاین په خواوشا کښې د هند او پاکستان د پوله ساتو ځواکونو ترمینځ نښته پیل شوه او د دواړو هیوادونو ځواکونو په سیمه کښې د یو بل په سنګرونو سختې ډزې وکړې.

د هندوستان پوځ ادعا کړې چې پاکستاني ځواکونو نن سبا د اوربند د موافقې خلاف ورزي وکړه او د کشمیر کنټرول لاین ته نزدې د هندي ځواکونو مرکز او هم داشان غیرپوځي سیمې یې وویشتلې.

د دغې نښتې د احتمالي مرګ ژوبلې په اړه کوم رپورټ نه دی رارسیدلی.