کشمیر کښې ولسي اعتراضونه دوام لري

د هندوستان ترکنټرول لاندې کشمیر خلکو یوځل بیا په سیمه کښې لګیدلي ګرځبندیز ته په بې پامۍ سره مظاهرې وکړې.

العالم چینل خبر ورکړی چې د کشمیر د خلکو په مظاهرو کښې معترضانو د ځان او خپلې سیمې خلاف د هندوستان د حکومت غلیمانه اقدامات وغندل.

یاده دې وي چې د هندوستان حکومت د روانې آګست میاشتې په پنځمه نیټه تر خپل کنټرول لاندې کشمیر سیمې ځانګړې اختیارات ختم کړل چې د دغې سیمې د خلکو سخت اعتراض او قهر یې راپارولی دی.