Nga kuota olimpike e sportisteve iraniane tek prania e femrave iraniane në tribunën BRICS të Rusisë
Pars Today- Kuota olimpike e qitjes me hark të Iranit, prania e femrave iraniane në grupin BRICS, fitorja e vajzave iraniane në takimin e parë të Kupës së Azisë në Kinë, kampionati aziatik i vajzave iraniane në shah dhe volejboll, kontributi i femrave në inteligjencën artificiale dhe fitorja e një medalje argjendi nga një sportiste iraniane në garat ndërkombëtare ishte një përzgjedhje e lajmeve më të rëndësishme në fushën e femrave në ditët e fundit.
Në këtë raport nga Pars Today, ne kemi bërë një përzgjedhje të lajmeve të sukseseve të femrave iraniane:
Suksesi i sportistes iraniane në qitjen me hark e cila fitoi kualifikimin në lojërat olimpike
Në fazën eliminatore të garës olimpike të qitjes me hark në Antalia të Turqisë, në seksionin e femrave, Mabina Fallah, sportistja iraniane e qitjes me hark, fitoi kuotën për Lojërat Olimpike të Parisit 2024.
Tribuna e BRICS në duart e grave iraniane
Në Moskë të hënën dhe të martën, më 14 dhe 15 qershor, u mbajt forumi i sipërmarrjes së grave BRICS, me pjesëmarrjen e grave sipërmarrëse nga Republika Islamike e Iranit, Rusia, Kina, Brazili dhe disa vende të tjera. Në këtë forum, gratë sipërmarrëse iraniane prezantuan pikëpamjet e tyre në fushën e teknologjive dixhitale, industrisë, sigurisë ushqimore, bujqësisë, industrive kreative, ekonomisë dhe zhvillimit të qëndrueshëm.
18 vjeçaret iraniane fitojnë ndeshjen e parë të Kupës së Azisë në Kinë
Sipas IRNA, skuadra e basketbollit e vajzave nën 18 vjeç e Iranit luajti kundër Hong Kongut në ndeshjen e tyre të parë të Kupës së Azisë 2024 Kinë dhe fitoi me rezultatin 65-52.
Dy kampione iraniane në garat e aziatike të shahut dhe volejbollit
Kampionati aziatik i shahut të grupmoshave u mbajt në Almati të Kazakistanit dhe Mehsa Alavi, shahiste iraniane, mundi të fitonte të shtatë ndeshjet në këtë garë dhe të shpallej kampion i Turneut Aziatik. Kombëtarja e volejbollit për femra nën 18 vjeç e Iranit arriti të fitojë bindshëm titullin e kampionatit të Rajonit të Azisë Qendrore (Kava).
Zonja nga Amoli, është alpinistja e parë iraniane që u ngjit në malin Everest
Dr. Atusa Manavi, gjinekologe nga qyteti Amol i Iranit, duke u ngjitur në malin Everest, regjistroi titullin e alpinistes së parë iraniane nga Mazandarani, e cila u ngjit në malin më të lartë në botë me lartësi 8848 metra. Mjekja Manavi pas rreth 45 ditësh arriti të ngjitej në çatinë e botës dhe të valëviste flamurin e Republikës Islamike të Iranit në majë të kësaj maje.
Plani për pjesëmarrje të gjerë të femrave iraniane në tregun e inteligjencës artificiale
Takimi i dytë i grave transformuese u mbajt në Institutin Kërkimor të Shkencave Humane dhe Sociale të Universitetit të Xhihadit.
Në këtë takim, Nire Saghri, pedagoge e inteligjencës artificiale, duke iu referuar rolit të gruas në fushën e inteligjencës artificiale, tha se duke pasur parasysh rolin e teknologjisë, prania gjerë e gruas mund të jetë efektive dhe gratë iraniane duhet të jenë në gjendje të kenë një pjesë të madhe angazhimi në tregun e së ardhmes.
Medalja e argjendtë e sportistes iraniane në garat ndërkombëtare të atletikës
Sportistja iraniane Hamida Esmailnejad arriti të marrë fitoi titullin nënkampione dhe mori medaljen e argjendtë në garën e 100 metrave në garën ndërkombëtare të atletikës Kazanov Cup me kohën 11 sekonda e 58 të qindtat e sekondës.
Suksesi i sportistes iraniane në turneun Challenger të Sllovenisë
Farzaneh Fasihi, sportiste e kombëtares së Republikës Islamike të Iranit, ka mundur të kalojë e para vijën e finishit në garën 100 metra me rekord 11:51 dhe të fitojë titullin kampion në turneun Challenger të Sllovenisë.
