45 mijë palestinezë falën lutjen e të Premtes në xhaminë Al-Aksa
45 mijë palestinezë falën lutjen e të Premtes në xhaminë Al-Aksa, ndërsa ushtarët e regjimit izraelit penguan dhjetëra besimtarë të hynin në këtë vend të shenjtë duke zbatuar masa të rrepta sigurie dhe duke i rrahur.
Baza e Informacionit të Palestinës shkroi: Sot 45 mijë palestinezë kanë falur lutjen e të Premtes në xhaminë al-Aksa, ndërsa forcat e regjimit pushtues kanë penguar dhjetëra të rinj palestinezë të hyjnë në xhami dhe kanë rrahur disa prej tyre. Sipas këtij raporti, forcat ushtarake të regjimit izraelit kishin vendosur barriera hekuri para dyerve të xhamisë Al-Aksa për të penguar hyrjen e dhjetëra të rinjve në oborrin e xhamisë dhe arrestuan disa prej tyre. Qendra e Informacionit të Palestinës shtoi: Shtypja, rrahja dhe parandalimi i hyrjes së lirë të muslimanëve në xhaminë Al-Aksa nga forcat sioniste u bë ndërsa në të njëjtën kohë mijëra kolonë sionistë u lejuan të hynin në xhaminë Al-Aksa për të kryer ceremoninë talmudike që përkon me pashkët hebreje. Në të njëjtën kohë kur forcat e regjimit pushtues izraelit filluan luftën kundër banorëve të Gazës pas operacionit "Stuhia Al-Aksa" më 7 tetor të vitit të kaluar, kolonët kanë shtuar sulmet e tyre ndaj xhamisë Al-Aksa dhe palestinezëve në Bregun Perëndimor.
