Pars Today

Hamid Sabzevari është një nga poetët kryesorë dhe zotërues i stilit të vecantë pas Revolucionit Islamik, i cili në veprat e tij për disa dekada me radhë pasqyroi idealet dhe mendimet e Revolucionit Islamik të Iranit.

Sipas Pars Today, "Hossein Agha Motahani" i njohur si "Hamid Sabzevari" është një poet bashkëkohor iranian i cili lindi në Sabzevar në vitin 1304. Babai i tij "Abd al-Vehab" ishte një usta i thjeshtë, i cili kishte një zemër të mbushur me ndjenja poetike dhe i mësoi të birit parimet e poezisë. Sabzevari para se të fillonte shkollën e mësoi Kuranin në shtëpi me nënën e tij. Ai filloi të shkruajë poezi që në moshën 14-vjeçare dhe poezitë e tij i përmblodhi në një libër me poezi të quajtur "Frayadnameh" (Thirrja). Hamid Sabzevari është përmendur si "poeti i revolucionit" ose "babai i poezisë së revolucionit islamik". Ai vdiq më 22 Khardad 1395 dhe u varros në vendlindjen e Sabzvar.

Diktatura e Reza Khanit

Adoleshenca dhe rinia e Hamid Sabzevarit kaloi gjatë sundimit të Reza Shah Pahlaviut dhe zhvillimet e asaj periudhe ndikuan në shpirtin e tij. Në atë moshë, për kuriozitet, ai vizitoi partitë dhe grupet e ndryshme politike për t'u njohur me idetë dhe opinionet e tyre. Poezitë e rinisë së Sabzevarit më tepër kanë tematikë politiko-shoqërore. Ato u ndikuan nga situata dhe ngjarjet e atyre viteve, përfshirë pushtimin e Iranit nga forcat aleate në vitin 1320.

Sabzevari u punësua në arsim në vitin 1331 dhe punoi si mësues. Ai u martua në të njëjtin vit. Një vit pas martesës, në grushtin e shtetit amerikan më 28 Mordad 1332 kundër qeverisë legjitime të Dr. Mohamed Mossadegh, Hamid Sabzevari u fut në telashe dhe u shpall në kërkim nga puçistët. Për një kohë ai jetoi fshehurazi në rajonin Efrain. Ngjarjet e vitit 1332 bënë që ai të shkarkohej nga Ministria e Arsimit. Sabzevari shkoi në Teheran në vitin 1357 dhe mori pjesë në shoqata letrare. Pak më vonë, më 22 Bahman të atij viti, ra qeveria Pahlavi.

Babai i poezisë së revolucionit islamik

Pas Revolucionit Islamik iranian, veprimtaria më e rëndësishme e Hamid Sabzevarit ishte poezia. Poezitë e tij janë quajtur certifikata e lindjes së kohës së revolucionit; Sepse mund të thuhet se janë të pakta ato incidente apo ngjarje që pas revolucionit nuk janë pasqyruar në poezinë e tij. Pas fitores së revolucionit, Sabzevari të gjithë energjinë e tij ia kushtoi promovimit të ideve dhe idealeve të revolucionit islamik dhe veprimtarive kulturore e artistike. Ai shkoi në Radio-Iran dhe u bë anëtar i Këshillit të Poezisë të kësaj medalje. Një nga poezitë më të njohura të Sabzevarit ishte kënga revolucionare "Amerika, Amerika, Nang Be Nirang To" (Amerika të kesh turp). Një pjesë e tekstit të kësaj kënge është si më poshtë: Amerikë, Amerikë, turp për marifetet e tua / Gjaku i rinisë sonë të pikon nga duart ….

Ndër poezitë e para të shkruara nga Sabzevari për Revolucionin Iranian, janë poezitë "Khomeini, o Imam!", “Çohuni, o dëshmorë të rrugës së Zotit”, që u shkruajt në të njëjtën kohë me themelin e Republikës Islamike dhe kur “Imam Khomeini”, mbërriti në Iran dhe në ceremoninë e tij të pritjes.

Veprat dhe medaljet e nderit

Në vitin 1371 Hamid Sabzevari mori medaljen e nderit si i pari i artit në fushën e letërsisë. Në vitin 1393, atij i është dhënë edhe medalje nderi “Xhihadist në fushën e kulturës dhe artit” nga qeveria e Republikës Islamike të Iranit. Ky poet revolucionar u prezantua si një figurë e lartë nga Ministria e Kulturës dhe Udhëzimit Islamik në vitin 1382. Hamid Sabzevari ka lënë shumë libra me poezi, ndër të cilat "Kënga e dhimbjes", "Kënga e agimit", "Një këngë tjetër", "Ti udhëton romantikisht", " ulërima e ariut " dhe…

Libri "Kënga e dhimbjes" u njoh si libri i vitit i Iranit në vitin 1375.