Sergej Lavrov: Formula e paqes e Zelenskit nuk është e pranueshme
Duke folur në Kombet e Bashkuara, ministri i jashtëm i Rusisë tha se plani i propozuar i paqes i Ukrainës për t'i dhënë fund luftës dhe për të ringjallur iniciativën e drithërave të Detit të Zi është jo reale.
Sipas Guardian, Sergej Lavrov në një konferencë për shtyp pas fjalimit të tij në Asamblenë e Përgjithshme të Kombeve të Bashkuara në Nju Jork tha: Jemi përballë një realiteti të shëmtuar dhe ai është që Zelenski dhe të gjithë ata që e udhëheqin nga Uashingtoni, Londra dhe Brukseli me një zë thonë se nuk ka bazë tjetër për paqen përveç formulës Zelenski. Kjo formulë është absolutisht e pamundur të arrihet dhe të gjithë e kuptojnë këtë. Diplomati i lartë rus tha: Askush në Perëndim nuk dëshiron të tregojë seriozisht mirëkuptimin e tij për krizën e Ukrainës dhe meqenëse ata duan ta zgjidhin problemin në fushën e betejës, ai do të zgjidhet në fushën e betejës. Lavrov shtoi se Moska u largua nga plani i grurit të Detit të Zi sepse premtimet e bëra Rusisë, duke përfshirë heqjen e sanksioneve kundër një banke ruse dhe rilidhjen e saj me sistemin global SËIFT, nuk u përmbushën. Ai vazhdoi duke thënë se propozimet e fundit të Kombeve të Bashkuara për të ringjallur korridorin e eksportit të produkteve bujqësore përmes Detit të Zi janë larg realitetit. Në një pjesë tjetër të intervistës së tij, Lavrov njoftoi se muajin e ardhshëm do të udhëtojë në Phenian për të vazhduar bisedimet me homologun e tij pas marrëveshjeve të fundit midis presidentit rus Vladimir Putin dhe liderit të Koresë së Veriut Kim Jong Un në Moskë. Zelenski nëntorin e kaluar zbuloi planin e tij të paqes në fjalimin e tij video për takimin e G20. Në këtë drejtim, Borrell ka thënë më herët se Bashkimi Evropian nuk do të shqyrtojë asnjë propozim tjetër për zgjidhjen e konfliktit në Ukrainë, përveç planit të paqes të Zelenskit. Ndërkohë, sipas Maria Zakharova, zëdhënëse e Ministrisë së Jashtme ruse, Moska ka mirëpritur gjithmonë zgjidhjet diplomatike për zgjidhjen e konfliktit në Ukrainë, por regjimi i Kievit duke miratuar një ligj ka ndaluar të gjitha negociatat me Rusinë. Presidenti i Ukrainës në planin e tij të paqes, duke theksuar se ky plan paqeje përfshin 10 çështje ka thënë: Siguria bërthamore e Ukrainës, kthimi i sovranitetit territorial të këtij vendi, shkëmbimi i robërve të luftës dhe siguria energjetike nga Rusia janë ndër këto çështje.
