Mali:Sojojin Sun Kashe Masu Wuce Gona Da Iri Goma
Sojojin Gwamnatin Mali Sun yi nasarar kashe 'yan ta'adda 10 a wasu hare-hare da aka kai a tsakiyar kasar.
Kamfanin Dillacin labarun Xinhua na kasar Sin, ya ambato cewa; Hare-haren da sojojin na Mali su ka kai a tsakiyar kasar ya yi sanadin halakar 10 daga cikin masu wuce goan da irin, sannan kuma da kame wasu 8.
An kai hare-haren ne dai a yankin Sevare, tare da kuma da kwace makamai da wasu kayan yaki masu yawa.
Sojojin Mali sun kuma sanar da jikkatar biyu daga cikinsu, da kuma lalacewar wata motar jigilar sojan, saboda fashewar nakiyar kan hanya.
A halin da ake ciki, wasu mahara sun kai farmaki a ranar asabar a yankin Gao da ke arewacin Mali da kuma Ouelessebougur da ke kudancin babban birnin kasar. A kalla mutane 6 ne su ka mutu sanadiyyar wannan harin.
