Ran-Gadin Shugaba Al'Sisi A Wasu Kasashen Afirka

A ci gaba da ran gadin da yake a wasu kasashen Afirka, shugaban kasar Masar Abdel Fattah Al-Sissi, ya gana da takwaransa na Chadi, Idriss Deby Itno jiya a birnin N’Djamena.

Bangarorin dai sun tattauna kan batutuwan da suka shafi tsaro a kasar Libiya dake makobtaka da kasashen biyu, da kuma batun yaki da ta'addanci.

Kafin dai kasar ta Chadi shugaba Al'Sisi ya ziyarci kasashen Tanzaniya, Ruwanda da kuma Gaban.

A lokacin bikin rantsar da shi dai shugaban Al'Sisi na Masar ya bayyana fatansa na karfafa hulda da alakar kasuwanci da sauren kasahen nahiyar ta Afrika.