Iraki: Aa Gano Makamai Masu Yawa A Cikin Birnin Bagadaza

Rundunar Sojan Iraki mai fada da ta'addanci ce ta sanar da gano mabuyar makaman a cikin wurare daban-daban na babban birnin kasar.

Kamfanin dillancin labarun Sputnik ya ambato majiyar sojan Irakin na cewa; Makaman da aka gano a unguwannin Fudhailah, Hayyil al-amil, al-kharkh, da Rasafah, irin wadanda aka hana wa fararen hula mallaka ne.

Ma'aikatar harkokin tsaron kasar ta Iraki ta fitar da wani bayani da a ciki ta bayyana cewa ta fara  bincike domin gano makaman da suka sabawa doka a fadin kasar.

Wata majiyar tsaron Iraki ta sanar da gano wata mabuyar makamai a Huwaijah da ke arewacin kasar.

Iraki dai ta yi fama da matsalar ta'addanci wanda ya ci rayukan mutane da dama tun daga 2003.