Tashin Nakiya Ya Hallaka Sojojin Mali 4

Akalla Sojojin Mali 4 ne suka rasa rayukansu sanadiyar tashin nakiya a tsakiyar kasar

Wata majiyar tsaron kasar Mali ta sanar da cewa akalla sojoji 4 ne suka rasa rayukansu yayin da wasu biyu na daban suka jikkata sanadiyar tashin wata nakiya da aka dasa  kan hanyar sojojin a jiya Juma'a.

Majiyar ta ce lamarin ya auku ne a yayin da tawagar sojojin ke dawowa bayaan wani farmaki da suka kai kan sansanin masu da'awar jihadi a yankin Dialloubé dake tsakiyar kasar.

Kafin hakan dai, Dakarun wanzar da zaman lafiya na MDD sun bayyana damuwarsu kan yawaitar hare-haren 'yan ta'adda a kasar ta Mali.

kimanin Sojojin dubu 11 ne MDD ta jibke a kasar Mali a shekarar 2013.