MDD Ta Nuna Alhini Kan Mutuwar Winnie Mandela

Babban sakatare na MDD, Antonio Guterres ya nuna alhini kan mutuwar Winnie Madikizela-Mandela, tsohuwar matar marigayi Nelson Mandela kuma shugaban gwagwarmayar yaki da wariyar launin fata.

Mai magana da yawun MDD ya ce babban magatakardan MDDr yayi alhinin mutuwar Winnie Mandela, tsohuwar matar marigayi Nelson Mandela wacce ta rasu a jiya Litini.

Sakatare janar na MDDr ya mika sakon ta'aziyya ga al'ummar kasar Afrika ta kudu da kuma iyalan marigayiyar.

Ita dai Madikizela-Mandela ta mutu ne a jiya Litinin a Johannesburg, kuma ta rasu tana da shekaru 81 a duniya.

Madikizela-Mandela ta kasance daya daga cikin jigo wajen fafutukar yaki da wariyar launin fata