Faransa : An Karrama Dan Malin Da Ya Ceto Karamnin Yaro

Shugaba Emanuelle Macron, na Faransa ya karama dan ci-rani nan na kasar Mali, sakamakon kwazon da ya nuna wajen hawa wani bene domin ceto wani karamin yaro da ya makale.

Jarumtakar da dan ci-rani ya nuna ta sa an karama shi da zama dan kasa a Faransa.

An dai karama Mista Gassama a fadar Elysee yau ranar Litinin, bayan ganawar da Shugaban kasar Emanuelle Macron ya yi da shi domin ya yi masa godiya.

Wasu bayyanai na daban sun ce za'a shigar da dan ci ranin na Mali a aikin 'yan kwana kwana.

Wani hoton bidiyo dake yawo a shafukan sada zumunta ya nuna dan Malin Mamoudou Gassama, a lokacin da ya ceto yaron mai shekaru hudu dake gab da fadowa daga benena raanr Asabar data gabata.