An Ceto Bakin Haure 67 A Gabar Ruwan Tunusiya

Ma'aikatar tsaron kasar Tunusiya ta sanar da cewa jami'an tsaron ruwan kasar sun ceto bakin haure 76 a gabar ruwan kudancin kasar.

Kamfanin dillancin labaran Reuteus ya nakalto ma'aikatar tsaron Tunusiya a jiya lahadi na cewa jami'an tsaron ruwan kasar sun samu nasarar ceto bakin haure masu son zuwa kasashen Turai ta barauniyar hanya 67 a gabar ruwan kudancin kasar, sannan wasu 35 daga cikinsu sun hallaka bayan da kwale-kwalansu ya nutse.

Sanarwar ta ce mafi yawa daga cikin bakin hauren 'yan kasar Tunusiya ne, sai kuma wasu daga suka fito daga sauren kasashe.

Daga farkon shekarar 2018 zuwa yanzu sama 'yan kasar tunusiya 340 ne dake son zuwa kasashen turai ta barauniyar hanya aka kame.