Najeriya:'Yan Bindiga Sun Hallaka Mutum 13 A Jahar Benue.

Hukumomin jahar Benue sun sanar da hallakar mutum 13 sanadiyar wasu tagwayen hare-hare da 'yan bindiga suka kai kauyukan dake cikin jahar

Kamfanin dillancin labaran kasar Faransa ya nakalto hukumomin jahar Benue na cewa a jiya lahadi wasu 'yan bindiga sun kai hari garin Otukpo na cikin jahar inda kashe mutum 6, sannan kuma suka arce zuwa kauyen Tseadough, inda suka bnidige mutum 7 daga cikinsu akwai Mace da karamin yaro guda,

Ko baya ga hakan , sanarwar ta ce 'yan bindigar sun yi awan gaba da wata Mata guda na kauyen Tseadough yayin suka kai farmakin.

To saidai babu wata sanarwa da ta fito daga daga bakin gwamnatin jahar a hukumance.

A Cikin watanin baya-bayan nan jahar ta Benue na fama da rikci, lamarin da ya yi sanadiyar salwanta rayukan mutane da dama.