Libya: Dauki Badi Tsakanin 'Yan Bindiga A Kusa Da Birnin Tripoli

Kimanin mutane 6 ne suka rasa rayukansu a wani gumurzu da aka yia kusa da birnin Tripoli na kasar Libya a jiya.

Kamfanin dillancin labaran AFP ya habarta cewa, ma'aikatar kiwon lafiya a kasar Libya ta sanar da cewa, mutane 5 ne aka tabbatar ad sun mutu a musayar wutar da aka yi tsakanin wasu masu dauke da makamai, a kusa da birnin Tripoli, yayin da wasu kimanin 33 suka samu raunuka.

Rahoton ya kara da cewa, rikicin yana da dangantaka ne da sabanin da ke akwai tsakanin 'yan bindiga da suke da wasu bangarori na Tripoli tun bayan faduwar gwamnatin Gaddafi, wanda a baya a ka sasanta su.

Kasashen yamamcin turai da suka taka gagarumar rawa wajen rusa gwamnatin Gaddafi sun janye hannunsu daga rikicin da yake faruwa a kasar a halin yanzu.