Libya: Zaman Lafiya Ya Dawo A Birnin Tripoli

Majiyar tsaro daga kasar Libya ta ce an sami dawowar zaman lafiya a cikin birnin na Tripoli bayan an dauke wata guda ana fadace-fadace

Ma'aikatar harkokin cikin gidan kasar ta Libya ta sanar da cewa tuni an bude hanyoyin da aka rufe a tsawon lokacin da aka dauka ana rikici

Sai dai ma'aikatar harkokin cikin gidan kasar ta Libya ta yi kira ga mutanen da su ka fice daga unguwannin da aka yi fadan da su kasance cikin taka tsantsan yayin komawa gidajen nasu.

A wani gefen, hukumar sufurin sama ta kasar ta sanar da dawowar kai da komowar jirage a filin saukar jirage na Mitiga.

Wata daya kenan aka dauka ana fadce-fadace a tsakanin kungiyoyin da suke dauke da makamai a birnin na Tripoli