Rauhani Ya Taya Mgangagwa Murnar Zaben Da Aka Yi Masa

A jiya Talata ne shugaban na kasar Iran Dr. Hassan Rauhani ya aike wa takwaransa na Zimbabwe, Emmerson Mnangagwa sakon taya murna

Wasikar ta kunshi yin kira da a bunkasa alaka a tsakanin kasashen Iran da Zimbabwe tare da cewa; Lokaci ya yi da kasashen biyu za su bunkasa alaka a tsakaninsu, haka nan kuma yin aiki tare a fagen siyasar kasa da kasa.

Rauhani ya yi fatan samun ci gaba ga kasar ta Zimbabwe da al'ummarta

A ranar 30 ga watan Yuli ne aka gudanar da zaben shugaban kasa a Zimbabwe wanda ya bai wa shugaba Emmerson Mgangagwa nasara