Ana ci gaba da kakkabe 'yan ta'adda a Siriya

Dakarun ruwan Siriya sun kai farmaki kan maboyar 'yan ta'adda na Jaishu-Fatah a arewacin Humah dake yammacin kasar

Kamfanin dillancin labaran Radio da telbijin na kasar Iran ya nakalto majiyar tsaron Siriya na cewa harin da Dakarun ruwan kasar suka kai wuraren 'yan ta'adda a gefen garin Humah ya yi sanadiyar hallakar gami da jikkatar 'yan ta'adda da dama.

Wani labari na daban kuma ya bayyana Dakarun tsaron Siriyan sun kai farmaki kan wuraren 'yan ta'adda Jabhatu-Nusra a sansanin Nazihin da kuma maboyar 'yan ta'addar na Jabhatu-Nusra a gefen garin Rasten na jihar Hums dake yammacin Siriya tare da hallaka da dama daga cikin su,

A nasa bangare Talal Barazi Gwamnan jihar Humus ya sanar da cewa Dakarun tsaron kasar da na sa kai na ci gaba da kokarin wajen fatattakar 'yan ta'adda a yankunan Mushrik zuwa dandalin Gazir Sha'ir dake gefen gabashin Jihar.