Iraki / Kurdistan : Ba Ma Son Yin Fito Na Fito _Abadi

Firayi ministan Iraki Haider al-Abadi ya tabbatar da cewa ba sa son yin fito na fito bayan zaban raba gardama yankin Kurdistan.

Mista Abadi dake bayyana hakan a yayin ganawa da shugaba Emanuelle Macron na Faransa inda ya ce ba fatan su ba ne yin fito na fito bayan zaben raba gardama na ballewa da al'ummar yankin Kurdistan suka gudanar a kwanan baya.

A jiya Laraba ne firayi ministan na Iraki ya isa birnin Paris bisa gayyatar shugaban kasar ta Faransa inda suka tattauna kan batutuwa da dama ciki har da batun zaben raba gardama na yankin Kurdistan da kuma yaki da ta'addanci.