Sojojin Iraki Sun Danna A Rawa, Lardin Karshe a Hannun IS

Yau Juma'a rundinar sojin kasar Iraki ta kaddamar da farmakin kwato Rawa, lardi na karshe dake hannun 'yan ta'addan IS.

A halin da ake ciki dai kungiyar IS ta rasa kashi 95% na yankunan da take rike da a cewar kawacen kasa da kasa da MAurka ke jagoranta kan yaki da 'yan ta'addan.

Da jijibin safiyar nan ce sojojn na Iraki da mayakan sa kai suka kaddamar farmakin na kwato lardin Rawa dake a yankin Al-Anbar mai fadin gaske.

Kafin hakan dai an umurci duk mazauna lardin galibi 'yan sunna dasu dora tuta fara a kan gidajensu kafin zuwan dakarun.