Sojojin Iraki Sun Kwace Rawa, Lardin Karshe a Hannun IS

Sojojin Iraki sun kwace lardin Rawa, na karshe dake hannun 'yan ta'adda na Da'esh.

Da jijibin safiyar nan ce sojojn na Iraki da mayakan sa kai suka kaddamar farmakin na kwato lardin Rawa dake a yankin Al-Anbar mai fadin gaske.

A halin da ake ciki dai kungiyar IS ta rasa kashi 95% na yankunan da take rike da a cewar kawacen kasa da kasa da MAurka ke jagoranta kan yaki da 'yan ta'addan.

Kungiyar IS na ci gaba da fuskantar koma baya a kasashen Iraki da Siriya sabanin shekarun baya da take rike da yankuna da dama.