Labanon : Bassil, Ba Zai Halarci Taron Kasashen Larabawa Ba Kan Iran

Ministan harkokin waje na kasar Labanon, Gebrane Bassil, ba zai halarci taron kungiyar kasashen larabawa ba da Saudiyya ta kira kan Iran.

Labanon dai ta yanke shawara cewa wakilinta na dindin-din a kungiyar ne zai halarci taron na yau a birnin Alkahira.

Saudiyya ce dai ta bukaci taron bisa batun makami mai linzamin nan da 'yan gwagwarmaya na Houtsi a Yeman da suka cilla wanda Saudiyyar ta ce ta cafke a kusa da birnin Ryad a ranar 4 ga watan nan.

Hankulan 'yan siyasa dai a Labanon ya rabu matuka a cacar baki ta tsakanin kasashen Saudiyya da Iran masu fada a ji a yankin.