Pakistan Ta Kori 'Yan Gudun Hijira Afganistan Milyan Biyu

A daidai lokacin da dangantaka ke kara tsami tsakanin kasashen Afganistan da Pakistan, hukumomin Islamabad sun kara matsa kaimi wajen korar 'yan gudun hijira Afganistan.

Gwamntin Pakistan ta sanar da cewa sama da 'yan gudun hijira da masu nema mafaka na Afganistan milyan biyu ne  za'a kora a cikin kwanaki masu zuwa.

A farkon watan Janairu da ya gabata ne gwamnatin Pakistan ta sanar da cewa zata karbi 'yan Afganistan din ne kawai har na tsawan wata guda.

Bayan karewar wa'adin ne, firayi ministan kasar Pakistan Shahid Khaqan Abbas, ya sanar da baiwa 'yan Afganistan wa'addin kwanaki 60 su bar kasar.

Bayanai daga wasu kafofin yada labari sun ce, korar yan Afgasnitan din bai rasa nasaba da gano wasu masu mugun nufi ga kasar da kuma 'yan leken asirin kungiyoyin 'yan ta'adda cikin 'yan gudun hijira da masu neman mafaka.