Palasdinu: Nakiya Ta Tashi Da Motar Sojojin Sahayoniya A Garin Jericho

Majiyar Palasdinawa ta ce nakiyar da aka dasa a gefen hanya ta tashi da motar sojan haramtacciyar kasar Isra'ila a yankin Magnadhas.

Majiyar 'yan sahayoniya ta ce; Sojoji biyu sun jikkata, yayin da sauran da suke cikin motar suka firgita.

Sai dai tashar talabijin din al-jazeera ta kasar Katar ta ce; Sojoji bakwai ne suka jikkata sanadiyyar tarwatsewar nakiyar.

A cikin kwanakin bayan nan, yan sahayoniya sun tsananta kai hari a yankunan da suke yammacin kogin Jordan tare da yin awon gaba da samarin palasdinwa.